Media Personality Nedu Lists 8 Things Real Men Should Never Do

Interesting!!!

Media Personality Nedu has dropped interesting points on what a real man should never do...

"If you be man, never in your life make you do these eight things wey I wan talk,dem don take light, but I come for my wardrobe on light make I do this video, never in your life do these things.

Number one;Concerning your woman,either the person wey you dey date, or person wey you dey marry, or person wey you wan marry, never allow that your woman to get bestie wey be man, I know wetin I dey talk, in this world, never allow that, a real man would never allow that

Number two; wetin real men no dey do na to fight another man because of another woman,see if you catch your woman with another man, nothing concern you with the man, even as a woman sef, if you catch your man with another woman, nothing concern you woman, na the man something concern you with, but in this case, na men I dey talk to, if you catch your woman with another man, you no get business with the man, the man no just come waka come meet am,na she put herself open for the man to meet her in the first place, na she disrespect you, so therefore never fight another man because of a woman, real men no dey do that one.

Number three; No chase after woman wey no like you,I beg you, woman wey don show you say she no like you, because na waste of time and resources for you as a man.

Number four; Real men no dey spend money on any woman wey no dey add value to them.
By value, I no mean say na money o, e fit be psychological value, spiritual, emotional or otherwise

Number five; E get one of my friend wey make me add this one to the list because em do am and em regret am, no take back any woman wey don leave you because of another man, if woman leave you because of another man,come come back, no take that woman again be anything wey make that woman come back again, she wan come finish you, forget am, because wetin make am leave in the first place go still make am leave again and that time, e go dey worse.

Number six; Don't stay with an unfaithful disloyal woman, real men don't do that, once you don notice say she dey unfaithful and she dey disloyal, nwanne waa(my brother,run)just share the grace,face front, no quarrel,just face your front because that woman go dey surrounded by plenty men for her to be disloyal, for her to be unfaithful means e get other men wey dem two dey 'kotoraji'.

Number seven; Any woman wey dey constantly disrespect you,no keep that woman, she no suppose dey your life, she no belong for your life.

Then the last one: Any women wey be say small thing she go threaten you and say; 'Ehh, I would leave this relationship , I would leave this house'.Any woman wey dey always threaten to leave, wey despise you, no stay with that kin woman because any small thing, 'I will leave' 'okay, go'

All these eight things wey I talk, na wetin real men no suppose do.
If this post no concern you, abeg no talk anything bad, just face front but if this post na for you and you go like make other of your friends know about am,then share the post".