Sisi and amebo nah like 5 and 6...
Una doh o! Na who dey house e?!
Stellakokolet...how the terrain? I hail o!
Na salon I dey wey one customer wey comot from drier, pick her phone call. She begin carry report give person wey be her sister.
Na my turn to wash my hair, but I use style tell the hairdresser make she gimme 5mins as I dey find wetin no loss for my bag.
* too much sense nor go kee persin abeg*
To even make matters easier, the hairdresser ask the woman say wetin hapun? I balance to hear the memorandum! *kiikiikii*
Customer say, na so she carry Man wey she 'like' introduce to her female friend. Small time,she hear say the two begin do 'underground' tins!
So she don decide to send boys to beat the female friend. *Hmmm*
Hairdresser say, that your friend na bad person o! So she dey knack your 'husband' for your back?!
Customer use bad eye look the stylist, use style hide her left hand (with ring) under towel!
Customer say, the man no be her husband!
She say na her 'male friend' from some business wey dem dey do together!
I say aunty abeg no vex o! That your friend na evil person o!
*Yinmu, Na just to caress her ego*.
I say he no matter! Why your female friend go do that kain thing?! When she get husband for house, go dey knack another man outside!
Customer, carry another bad eye gimme! She say the female friend never marry!
I say even worse! Na bitterleaf she be! Why your female friend wan scatter the married man house?!
The customer look me and stylist. She say the male friend never marry!
Me and stylist look ourselves!
Na im I say! He nor mean! At least if the two single people wan knack or marry, they suppose first tell you, wey introduce dem abi!? Incase you get interest?!
The customer say the two friends don sabi demselves from University. But na she just reunite them again.
*be like say I get wetin I wan even go do for house*
My customer quick wash my hair, carry dry towel put for my neck, I tell am may she come dry my hair, may I do, comot biko! Hian!
Hahahahahahahaha so nah the Introducer be the person wey suppose leave the man and her friend alone...
Abi ooo Stella introducer na the ashewo gangan 😂😂😂
ReplyDelete🤣🤣🤣🤣.. Shameless woman
ReplyDeleteShe ended up cobalizing herself🤣
ReplyDeleteLol KrytiQ, did you attend Queen's college Lagos?
DeleteGifts for hairdresser's station no be here.
ReplyDelete🤣🤣🤣🤣🤣 I confuse too o
ReplyDeleteMarried woman wey dey cheat without shame. Tufia
ReplyDeleteSisi u need award. ahahaaha
DeleteSerious award and Nigerian flag to thank her specially for her contribution to humanity during this hardtimes. To make we Nigerians laugh no easy o! 😂😂😂
DeleteI like the way you wrote today's own. Thanks.
ReplyDelete🤣😂🤣😂breeze no blow, fowl carry im own hand open im ysnsh!
ReplyDelete🤣😂😂sisi you no go kill person abeg! The woman na bad friend! Shebi she have marry Haba!
ReplyDeleteSisi too like amebo but I love you for it 🤣🤣🤣
ReplyDelete🤣🤣 sisi this your gist today ehn !
ReplyDeleteYour amebo na follow come
ReplyDeleteSisi you bad cos you use style know everything
ReplyDeleteYou too like amebo.
ReplyDelete