Pidgin Post . Couple Wey Their Wedding Video Go Viral Talk How Dem Meet And How Dem Love Each Other And Decide To Marry

Make you Never say never!

The Married lovebirds tell BBC Pidgin how them meet and as their love shack them, dey rush marry.....

Husband: 

Since wey dem born me woman no dey hard me to get, na the gift wey God give me. People wey tall sef wetin God give me, e no give them. No be jazz no be anything na just se dem like me


When I dey service, the most beautiful girls in camp for EbonyI State na my own, dem love me, dem like me.. Dem run after me no be because of money, I no get money.


My name na Efuoma Asigri Amos, a graduate of computer science. I'm a business man in Emede.


I first marry for 2018, we stay for two years before issues start, we no fit settle the issue, the marriage breakup for 2021 finally.


Wife:

The first time I meet my husband na prophecy bring am come no be se e come my house. As I go church nai prophet see the vision dem con tell me and aunty se make we come, we go, I say no problems.
We no reach six months before we rush to do marriage.








Husband:

Most times when I see my wife dey happy, I dey always thank God because of the kind of woman God give me, e don settle all my issues. I dey always admire her, I dey give her names like my gold, my sunshine, my mummy or Ome ,e means "that's my own"


When I wake up for night I see her, I go smile I go thank God, I go say whosoever wan put asunder the person no go succeed.


Wife:

For this earth wey we dey, God create some people tall, short, slim and fat nobody get comma for this life. My husband na very kind man, e dey take care of woman, very jovial, pet woman, anything wey you want e go give you.

When I and my husband bin wan marry, my friends and family no talk anything like se " na that short man you wan marry?" Dem no do like that. My sisters, uncles, parents and everybody support us.


Husband:

When i look the past, the suffer, the pains and tears wey I go through compared to this one now, this one cover the pains , the tears wey i face because God don silent the insult. People talk se I no go see another woman marry as the first one go, na the one dem design for me but I tell dem say dem no be God, na God I put my trust, na him get the final say, who go fit do anything to Amos and Hope.

from: BBC Pidgin