Pidgin Post - Dog Die After E Chop Food Wey Wife Cook For Husband

Wahala dey!!!

''Na one yoruba man wey his name na XXXXXXX (name withheld) wey dey sell motor tyres and he build house for Jeddo naim narrowly escape death after he give the food wey his wife prepare for am to dog and the dog die 12minutes after eating the food.

According to inside sources, the man na normal ashawo man wey like to dey carry different women and even marry 2nd snd third wives for different places but na him and the senior wife wey be also yoruba woman dey stay same house.

Wahala start that even when the man waka go kitchen to go get something but he jam his wife dey sprinkle unknown substance for food wey she don serve for plate to give the man. As the man see the thing naim he quietly go back outside go call his neighbors and friends wey dey stay around.

 When the woman finally serve the food for table naim he ask the woman say watin she sprinkle for the food? But the woman say she no sprinkle anything naim them tell the woman to eat the food but the woman say she no dey hungry because she don already eat.

After much dragging naim the man carry the food give his dog to eat...... 12minutes after dog eat the food naim the dog stretch die right in front of everybody.

Na that same night Naim the man pack his personal belongings comot leave the house for the woman till now''.

from warri aproko special for facebook