MARYAM SANDA DA NASSIN DA NA KOYA

Assalamu alaikum Jama'ar arewa. 

Na sake juyowa domin mu dan tattauna akan wannan mummunar abin da ita mallama Maryam Sanda ta aikata.

 Wallahi, wannan abin takaici ta dame ni sosai. Ina mamakin yadda ya mace zata aikata wannan abin . Mu mata fa an san mu da tausayi da gafartawa, na zauna ina la'akari akan wannan abin, na yi wa kai na tambayoyi dayawa amma na kasa samun wasu amsoshi.

Wata sa'in maza ke tura mata yin wasu abubuwa. Mu dubi wasu irin al'amuran da ke faruwa a gidajen aure a yau, sai ka ga mutum ya auri mata, ya ajiye ta a gida, yana biyan mata kowace bukatan da kudi ke iya yi, sai ya gan ya gama mata komai kenan, amma fa bashi da lokaci domin ta. Ni na san wacce mijin ya saya mota, ya saya gida ya bata , amma bisa da wata takwas baya taba ta, (ba maganan jima'i) gani yake ya gama mata komai amma wannan matar duk wannan abubuwar da ya tanada ba su take so ba, mijin ta take so.

 Toh, ana cikin irin wannan halin, sai ya taso wai zai yi aure, walahi, kadan ya rage ta haukace don tana ganin yanzu ta zama kaman kayan daki ne gare shi. Toh, kana ganin in yayi auren bazai yi jima'i da amaryar ba? Ai shi annabi yace in har zaka kara aure, ka tabbata fa zaka yi adalci tsakanin su. Wannan rashin adalcin shi ke jawo mummunar kishi da kiyayya har ka ga ana kashe juna.
Maza, a rika adalci.

Yanuwa na mata, ba wadda ya baki aikin kashe wani don yayi adalci ko bai yi ba. Ki bar sa da Allah, in kika ga bata miki ba, ki nemi saki, ya fi miki mutunci. Mata, a kara hakuri, kar mu bar zuciyar mu ta fi karfin mu, gobe mu zo muna da na sani. Yanzu dai ba ribar da ta yi a wannan al'amarin, gashi dai zata mayar da yar ta marainiya domin ita din ma kule ta za'a yi. Ga kuma baccin suna ga yar ta da iyalinta gaba daya. Allah ya taimake mu. Nagode. 

Nice taku Hajiya Halima

*Thank you Hajia Halima...